ايام طفولتنا

اسيـ الغربه ـرة الأحد نوفمبر 04, 2007 11:43 am

ياليت ان الزمان يدور ويرجع وقتنا اول

وننعم في بساطتنا

زمان اول احس انه زمان فيه صدق شعور

نحب ونخلص النيه وتجمعنا محبتنا

زمن مافيه لاغيبه ولاحتى نفاق وزور

ياليته بس لو يرجع ونسترجع طفولتنا

صغار قلوبنا بيضاء نعيش بعالم محصور

ولا نعرف ابد اغرب مغير عيال حارتنا

صحيح صغار في التفكير لاكن ماعلينا قصور

نخطط نكسر اللعبة وتسعدنا شقاوتنا

نروح المدرسه بدري ونضحك داخل الطابور

نحاول نزعج العالم في روحتنا وجيتنا

وعشان نأخر الحصه نخبي علبة الطبشور

نشاغب بس في الآخر تميزنا براءتنا

نحب الضحك والبسمه نحب ننط فوق السور

نفرفش ليه مانفرفش مادام الضحك عادتنا

ولكن دارت الايام وبان الخافي والمستور

وصار الهم متعلي على قمة سعادتنا

كبرنا وصارت الدنيا تصف احزاننا بالدور

وتهدينا الآلم والهم غصب عن عين رغبتنا

تعبنا من بلاوينا أحد ضايق وأحد مقهور

وكل غارق بهمه وفي الآخر تشتتنا

وانا مااقول غير الا ياليت ان الزمان يدور

ونرجع للورا فتره نعدل وضع عيشتنا

تحياتي
اسيـ الغربه ـرة